16. శ్లో ॥ నమః పూర్వాయగిరయే పశ్చిమేగిరయేనమః
జ్యోతిర్గణానాంపతయే| దినాధిపతయేనమః||
పూర్వాయ=తూర్పుదిక్కునందున్న
గిరయే = పర్వతము కొరకు
నమః = నమస్కారము
పశ్చిమే = పడమరదిక్కునందున్న
గిరయే = పర్వతము కొరకు
నమః= నమస్కారము
జ్యోతిర్గణానాం= తేజస్సమూహలకు
పతయే = ప్రభువుకొఱకు
నమః = నమస్కారము
దినాధిపతయే = పగటి కధిపతి యగు సూర్యునికొరకు
నమః = నమస్కారము
భావం :- సూర్యుడు తూర్పుదిక్కున ఉదయపర్వతముపై యుదయించును. పడమరదిక్కున ఆస్త మనపర్వతముపై యస్తమించును. కావున ఆ పర్వ తముల స్వరూపునిగానే భావించి, యట్టి వేవెలుగుల ప్రభువునకు పగటి కాలమునకు అధిపతియైన కాంతిదేవునకు నమస్కారము.
శ్లో ॥ జయాయ జయభద్రాయ హర్యశ్వాయనమోనమః |
నమోనమ స్సహస్రాంశో ఆదిత్యాయనమోనమః||
జయాయ = జయమూర్తి కొరకు
నమః = నమస్కారము
జయభద్రాయ = జయమును మంగళము నిచ్చువాని కొరకు
నమః = నమస్కారము
హర్యశ్వాయ = పచ్చని గుఱ్ఱాలు గలవారి కొరకు
నమోనమః = మాటిమాటికి నమస్కారము
సహస్రంశొ = ఓ వేయికిరణాల స్వామి
ఆదిత్యాయ = ఆదితి కుమారుని కొరకు
నమోనమః = మాటిమాటికి నమస్కారము
భావం:- ఎన్నడు అపజయ మెరుగని జయ స్వామికి నమస్కారము.
మంగళము తో గూడిన జయాన్ని ప్రసాదించే జయభద్రునకు నమస్కారము. పచ్చనిగుఱ్ఱాల రధముపై పయనించే వేవెలుగుల దొరకు నమస్కారము.
18. శ్లో ॥ ॥నమ ఉగ్రాయ వీరాయ సారంగాయ నమోనమః ।
నమః పద్మ ప్రబోధాయ। ప్రచండాయనమోస్తుతే॥
ఉగ్రాయ= క్రోధమూ కొరకు
నమః = నమస్కారము
వీరాయ = వీరుని కొరకు
నమః = నమస్కారము
సారంగాయ= వేగంగా ప్రయాణము చేయు దేవునకు
నమః = నమస్కారము
పద్మప్రబోధాయ = తామరపూలను వికసింపజేయు వారి కొరకు
నమః = నమస్కారము
ప్ర్రచండాయ = సర్వసమర్థుడ వైన
తే = నీకు
నమః = నమస్కారము
అస్తు = అగుగాక
భావం :- వీరుడైన యుగ్రమూర్తికి నమస్కారము. సంసారమందలి సార మును దెలిసిన వాడై నందున, తాను దానికి దూరంగావుండి భక్తుల నా సంసారమునుండి తరింపజేయగల తరణికి నమస్కారము. వేకువన వీచే చల్లగాలికి హాయిగా నిద్రించు తామరకమలాలను తన ఉదయకిరణ స్పర్శచేత మేలు కొలిపే చిన్మయ మూర్తికి నమస్కారము, సర్వసమర్థుడైన ఆ ప్రచండభానునకు నమస్కారము.
No comments:
Post a Comment