4. శ్లో ।। ఆదిత్యహృదయం పుణ్యం సర్వశత్రువినాశనం।
జయావహం జపేన్నిత్యం అక్షయం పరమంశివం॥
5. శ్లో॥ సర్వమంగళమాంగళ్యం సర్వపాప ప్రణాశనం ।
చింతాశోకప్రశమునం ఆయుర్వర్ధనముత్త మం॥
ఆదిత్య హృదయం = అదిత్య హృదయమను స్త్రోత్రము
పుణ్యం = పుణ్యమును గలుగ జేయును
సర్వశత్రు వినాశనం = సమస్త శత్రువులను నాశనముచేయునది
జయావహం = జయకరమైనది
జపేనిత్యం = (ఆదిత్య హృదయమును) ఎల్లప్పుడు జపింపవలయును.
అక్షయం = నాశరహితమైనదియు
పరమం = ఉత్కుృష్టమైన
శివం = కల్యాణకరము
సర్వమంగళ మాంగళ్యం = మంగళము అన్నిటిలోమంగళకరమైనదియు
సర్వపాప ప్రణాశనం = సమస్తపాపములను పూర్తిగ పోగొట్టు
చింతాశోక ప్రశమనం = చింతను శోకాన్నిపోగొట్టునటువంటిన్నీ
ఆయుర్వర్ధనం = ఆయుస్సును వృద్ధినందించునదగు
ఉత్తమం = శ్రేష్టమైనదియు
తా॥ ఆదిత్య హృదయము పరమపావనమైనదట. మన లోపలగల కామక్రోధాలు అను అంతఃశత్రువులను వెలుపల మనలను ద్వేషించు వారిని, మనము ద్వేషించువారిని ( ఇటువంటి శత్రువులందరిని నశింప జేయు శక్తి ఈ స్తోత్రములో ఉందట. శుభం కల్గుతుంది. లభించిన జయము, కూడిన శుభము కలకాలము నిలబడతాయి. శత్రుజయము లాభించిననూ లాభనష్టములు సమముగా నుండునటులు ఒకప్పుడు జయము లభింపకపోవచ్చు ఈ స్తోత్ర పాఠమట్లుగాక జయమును కలుగజేయునట.
ఈ మహామంత్రము సకల పాపములను పోగొట్టి ఆయుస్సును పెంచి చింతా,శోకములను రెంటినీ ఉపశమింపజేస్తుంది. కాన ఇంతకు మించిన స్తోత్రంలేదు, మరియు కోరిక లేకుండా స్తుతించు భక్తులకు మోక్షమునే కలుగజేస్తుంది.
No comments:
Post a Comment